Preso ang 48-anyos nga konduktor sang bus sa Quezon City matapos mabuko nga gin-imbento lang sini nga gin-holdup siya matapos napierde sa online game nga ‘scatter’ ang ₱17,000 remittance sang ila nga kumpanya.
Ang suspek amo si alyas “Arnel” nga nagdangop sa mga pulis kag gin-alegar nga gin-holdup ini sang isa ka lalaki nga nagpakilala nga pulis.
Gilayon nag-imbestigar ang kapulisan apang wala sila ang nakita nga ebidensya nga matuod ang alegasyon sang konduktor.
Sang nag-abot naman ang staff sang bus company, didto na nag-ako ang konduktor nga ginsugal niya ang amo nga kwarta.
Nagapangatubang ini subong sang panumbungon nga Qualified Theft kag Unjust Vexation.
