Iba ang sitwasyon sang mga senator-judges kag sang mga testigo nga nagapangatubang sang kaso suno sa isa ka legal expert.
Kasunod ini sang paghingyo ni Senator-Judge Robin Padilla nga indi na dapat magbatun ang impeachment court sang mga testigo nga may ginapangatubang nga kaso.
Sa interview sang Bombo Radyo kay Atty. Jobert Pahilga, isa ka Human Rights Lawyer, iya ginpahayag nga limitado gid para sa mga senador nga may ginapangatubang nga kaso nga makalantaw ukon makapartisipar sa trial sang bise presidente.
Ini bangud wala man sang gahum ang nasambit nga korte para sa mga personalidad nga luyag tani mag-upod sa impeachment proceedings ilabi na para kanday Senator Jinggoy Estrada kag kay Senator Rodante Marcoleta nga nagapangatubang sang kaso nga plunder.
Suno kay Pahilga, nagtinguha man si Estrada nga magpalab-ot sang iya mosyon sa Sandiganbayan, apang gindeny ini sang korte.
Ginklaro man sini nga posible gid nga magtubang sa trial ang mga testigo nga may kaso ukon preso kun isubpoena ang mga ini sang impeachment court.
