Nagpanawagan ang Management Association of the Philippines (MAP) sa administrasyon ni President Ferdinand “Bongbong” Marcos Jr. nga tutukan ang ekonomiya kag kaayuhan sang pumuluyo sa baylo nga pulitika.
Suno kay MAP President Donald Lim, nagalaum ang grupo nga ang masunod nga State of the Nation Address (SONA) sang presidente mangin signal sang mas mabaskog nga pagpatuman sang mga programa para sa ekonomiya.
Suno kay Lim, natak-an na ang mga Pilipino sa pulitika samtang padayon nga naga-atubang sang mataas nga presyo sang mga balaklon, kag sang mga pagpanghangkat sa negosyo kag ekonomiya.
“But beyond these reforms, what we want to hear is a clear economic agenda that creates jobs, attracts investments, improves food security, lowers the cost of doing business, and restores confidence. Building economic resilience is critical to our human security in the face of mounting geopolitical challenges and approaching climate change risks,” suno kay Lim.
Ginpabutyag man niya nga dapat ipadayon sang gobyerno ang kampanya batok sa kurapsyon, apang indi ini dapat magpabag-o ukon magpahinay sang pagpatuman sang mga proyekto nga makahatag sang trabaho, makapa-ganyat sang investment, makapahagan-hagan sang presyo sang pagkaon, kag makapaayo sang pangabuhi sang mga Pilipino.
Suno pa sa MAP, importante nga magpadayon ang mga lehitimo kag transparent nga infrastructure projects, lakip na ang padayon nga investment sa sektor sang ikaayong lawas kag edukasyon.
“The government must demonstrate that we can fight corruption without paralyzing development. Infrastructure projects that are legitimate, transparent, and urgently needed should continue moving,” dugang sini.
Ginasuportahan man sang grupo ang pagpasar sang pila ka mga hagna, lakip ang paghimo sang isa ka digital budget portal agud mangin mas bukas kag mas transparent ang paggasto sang gobyerno, pati na ang Anti-Political Dynasty Bill, Party-List System Reform Act, kag Independent People’s Commission Act.
“The country is tired of politics. Filipinos are feeling the pressure of high living costs, businesses are facing uncertainty, and many MSMEs continue to struggle,” pahayag pa ni Lim.
Dugang niya: “We must fight corruption decisively, but we should not let the fight against corruption become a brake on economic growth. It is time to bring the conversation back to creating jobs, attracting investments, stabilizing food prices, and improving the daily lives of our people.”
