Wala gid sang plano nga magresign sa iya pwesto bilang bise presidente si Sara Duterte.
Ini ang iya ginklaro sa publiko kasunod sang mga huring-huring nga magabuya na sya sa iya pwesto bilang opisyal sang gobyerno sugod sang nag-umpisa ang impeachment trial batok sa iya.
Ginpakigbahin ni Duterte ang nasambit nga pahayag matapos sya nga nagpadulong sa isa ka aktibidad nga ginpatigayon sang Filipino community sa London, United Kingdom.
Suno kay Duterte, makabig niya nga pagtraidor sa 32.2 million nga nagboto sa iya ang pagresign sa pwesto bilang bise presidente.
Ginpakigbahin man sini nga kun luyag gid ni President Ferdinand Marcos Jr., nga kaksun sya sa pwesto, dapat nga ubrahun gid sini ang tanan niya nga masarangan.
Nahibaluan nga magapadayun ang impeachment trial ni Duterte sa Hulyo 29 kun sa diin pagasuguran na ang diskusyon sa “unexplained wealth” sini kag sang iya bana nga si Atty. Mans Carpio.
