Patay gid ang isa ka tigulang nga lalaki matapos ginlampusan sang bato sang isa ka Sangguniang Kabataan (SK) Kagawad sa Barangay Ilaya, Calatrava, Negros Occidental.
Ang suspek amo ang 22-anyos nga si Mike samtang ang biktima amo ang 64-anyos nga si Rody.
Base sa imbestigasyon, magkaupod sa ilimnan ang duha kag pila sa ila tupadbalay.
Matapos nahubog, ginpahayag nga namilit ang tigulang nga magsulod sa balay sang suspek tubtob nga nagkuha sang bato ang tigulang kag ginhaboy ang balay sang kagawad.
Sang gintuyo pakalmahon sang kagawad ang tigulang, ginsumbag siya sini rason nga naimpito ang kagawad, nagkuha sang bato kag ginlampos sa ulo sang tigulang nga gintunaan sang kamatayon sini.
Gilayon naman nga naaresto ang kagawad nga ginpasakaan sang kaso nga homicide.
 Kagawad sa Calatrava, Negros Occ){kind=link}