May duha na naman ka Filipino-American entertainers ang mapasidunggan pinaagi sa pagbaton sang ila kaugalingon nga Hollywood Walk of Fame stars.
Lakip sa Class of 2027 sanday Nicole Scherzinger kag Jo Koy nga kilalahon sa Live Theater/Performance category bangud sang ila daku nga kontribusyon sa industriya sang entertainment.
Pasidunggan si Nicole bilang stage actress sa mga musical pareho sang Rent, Cats, The Rocky Horror Show, kag Sunset Boulevard, samtang si Jo Koy naman ginakilala bilang isa sa pinakasikat nga stand-up comedians nga may daku nga impluwensya sa industriya.
Antes sa ila, napilian man para sa Hollywood Walk of Fame si Lea Salonga, nga amo ang una nga Filipina nga makabaton sang amo nga kadungganan.
Lakip man sa mga personalidad nga may Filipino heritage nga may stars na sa Walk of Fame kag ginkilala sang Hollywood Chamber of Commerce amo sanday singer-songwriter nga si Bruno Mars, rapper nga si Apl.de.ap, kag comedian nga si Rob Schneider.
