Nagkusog ang Tropical Depression Luis samtang yara sa kadagatan sang Bicol.
Ulihi ini nga nakit-an sa kalayuon nga 295 kilometro sa nasidlangan sang Daet, Camarines Norte.
May yara ini sang dala nga hangin nga tubtub sa 55 km/h kag pagmadlos nga nagalab-ot sa 70 km/h.
Suno sa Philippine Atmospheric, Geophysical and Astronomical Services Administration (PAGASA), magapabilin anay sa kadagatan ang bagyo, apang posible gihapon nga magpalapit ukon mag-landfall ini sa Northern ukon Central Luzon.
Sa subong, napasaka ang Tropical Cyclone Wind Signal No. 1 sa Polillo Islands, Camarines Norte, naaminhan nga bahin sang Camarines Sur, kag Catanduanes.
Samtang, ang isa ka Super Typhoon nga may international name nga “DOLPHIN” ang nagsulod naman subong sa Tropical Cyclone Information Domain (TCID) sang PAGASA. Yara ini subong sa 3,430 km east sang extreme northern Luzon. Ini ang may kabaskugon sang hangin nga 185 km/h kag pagmadlos nga 230 km/h.#
