Nagkulob ang motorized bangka nga ginasakyan sang mga manunudlo kag Philippine Air Force reservist nga nagabyahe padulong sa Sacol Island sa Zamboanga City subong nga Dominggo, August 2, 2026.
Suno sa imbestigasyon, ginatuyo sang grupo nga magkadto sa nasambit nga isla para magpatigayon sang outreach program.
Apang bangud sa mabaskug nga balud, nagkulob ang ila ginasakyan nga baroto.
Gilayon man nga nagresponde ang mga kaupod sang mga ini nga reservists kun sa diin wala man sang nasamaran sa insidente.
Apisar sang hitabo , gindayun sa gihapon sang mga ini ang ila programa agud makahatag sang serbisyo sa komunidad sang Sacol Island.
