Ginkwestyon ni Senator-judge Raffy Tulfo kun may yara sang conflict of interest ang partisipasyon ni defense lawyer Atty. Michael Poa sa impeachment trial ni Vice President Sara Duterte.
Ini matapos gin-angot sang witness si Poa sa request para sa Commission on Audit (COA) audit query nga naga-involve sang confidential funds sang Office of the Vice President (OVP) kag Department of Education.
Apang gilayon naman nga naghatag sang ruling si Presiding Officer Francis “Chiz” Escudero nga nagaathag nga wala sang conflict of interest.
Suno kay Escudero, si Duterte ang respondent sa impeachment case kag indi si Poa.
Kasunod sini, nagpadayon naman si Tulfo sa iya pagpamangkot sa testigo nga si former Commission on Audit (COA) ICFAO State Auditor Roderick Wamil.
Diri ginkwestyon ni Tulfo kun makakompromiso bala sang pungsudnon nga seguridad ang pag-require sang resibo kag proof of purchase para sa mga items nga ginabakal gamit ang confidential funds.
Sabat naman ni Wamil nga ang national security ang indi mabutang sa alang-alang sang pag-require sang COA sang mga resibo kag nagakaigo nga dokumento para sa mga items nga ginabakal gamit ang nasambit nga pondo.
