Ginapahayag pag-aresto kay Bato, ‘diversionary tactic’ lang suno sa Malacañang

Ginalantaw sang Malacañang nga isa lang ka “diversionary tactic” sa impeachment trial ang gin-alegar pag-aresto kay Senador Ronald “Bato” dela Rosa.

Ginpahayag ni Palace Press Officer Undersecretary Claire Castro nga mas maayo nga indi gilayon magpati ang publiko sa mga indi masaligan nga impormasyon halin sa iban nga tawo.

Gintumod sini sanday Atty. Jimmy Bondoc kag former presidential spokesperson Harry Roque nga nag-post sa social media nga amo ang gin-ugatan sang naglapta nga impormasyon tuhoy kay dela Rosa.

Suno sa iya, maathag nga pagpatalang ang motibo sang mga kaal­yado sang Bise Presidente para matabunan ang mga nabuyagyag sang COA nga iregularidad sa paggasto sang minilyon ka pesos nga confidential funds ni VP Sara sa OVP kag DepEd.