Ginkwestyon ni House private prosecutor Atty. Lorna Kapunan ang ginaalegar paggamit sang ₱125 milyon nga confidential funds sang Office of the Vice President sang Disyembre 2022.
Kalakip sa mga aktibidad nga gin-gamitan sang pondo amo ang partners’ appreciation night, tree-planting, Christmas activities, medical missions kag pagpanagtag sang wheelchairs, nga amo ang nakabutan sa sabat sang OVP sa COA Notice of Suspension.
Suno sa testigo nga si COA state auditor Xylene Mae Del Campo, wala nalakip sa mga ginatugutan nga gamitan sang confidential funds sa idalom sang joint circular ang mga nasambit nga aktibidad.
Naobserbahan man ni Del Campo nga may mga aktibidad sang Disyembre 13 tubtob 21, 2022, samtang ang ₱125 milyon nga confidential fund nga na-liquidate ang para sa Disyembre 21 tubtob 31, 2022 lamang.
