Mga pangalan sang nakabaton sang OVP confidential funds, daw panakot sa fruit salad —Atty. Kapunan

Nagtuhaw sa impeachment trial ang pila ka indi kinaandan nga mga pangalan nga nakalista sa acknowledgment receipts nga ginpasa sang Office of the Vice President para suportahan ang paggamit sang confidential funds.

Kalakip diri ang mga pangalan nga “Ralph Josh Bacon,” “Heart Santiago,” kag “Pia Piattos Lim” nga nakalista bilang mga recipient sang pila ka reward payments.

Sa trial, liwat nga gintutukan ni House private prosecutor Atty. Lorna Kapunan ang mga nasambit nga pangalan samtang ginapamangkot si COA auditor Xylene Mae Del Campo tuhoy sa mga dokumento nga gin-gamit sa liquidation sang confidential funds.

Ginpamankot naman ni Kapunan kun may kaangtanan kay Senate impeachment court presiding officer Sen. Francis “Chiz” Escudero ang recipient nga si “Heart Santiago,” bangud kapangalan sini ang iya asawa nga si Heart Evangelista.

Suno naman kay Del Campo, compliance audit lang ang ila ginhimo base sa mga ginpasa nga dokumento.

Ginkomentaran man ni Kapunan ang iban nga pangalan nga daw panakot sa fruit salad.

Ini nga mga pangalan ang nagtuhaw sa mga acknowledgment receipts kaangot sa liquidation sang confidential funds sang Office of the Vice President (OVP).

Pila sa mga pangalan amo ang “Matthew N. Keso,” “Miggy Mango,” “Jay Kamote,” kag “Kristine Applegate Estrada” gani suno kay Kapunan, kaangay nga naghimo lang sang fruit salad ang Office of the Vice President.

Yari ang pila sa mga pangalan kag ang ila nabaton gikan sa confidential funds:

• Matthew N. Keso — ₱250,000 para sa purchase of supplies
• Jay Kamote — ₱200,000 para sa purchase of supplies
• Miggy Mango — ₱50,000 para sa purchase of supplies
• Kristine Applegate Estrada — ₱50,000 para sa reward payment
• Beverly Claire Pampano — ₱130,000 para sa purchase of information
• Nova Santos — ₱50,000 para sa purchase of supplies
• Salah Casim — ₱180,000 para sa purchase of supplies
• Renan Santos — ₱110,000 para sa purchase of information
• Xiaome Ocho — ₱100,000 para sa purchase of supplies
• Kokoy Villamin — ₱50,000 para sa information
• Contis, Connor Adrian — ₱50,000 para sa reward payment
• Honeylet Camille Sy — ₱350,000 para sa purchase of supplies
• Denise Tanya Escudero — ₱120,000 para sa purchase of information