Patay ang isa ka 22-anyos nga lending collector matapos ginbuno sang lalaki nga ginsukot niya sang P150 nga hulog sa utang sa Isabel, Leyte.
Ang biktima amo si Rina Jane Brigildo, 20-anyos, collector sang CARD (Center for Agriculture and Rural Development) Inc.- Isabel Branch.
Ang suspek amo si alyas “Paolo,” 20-anyos, isa ka habal-habal driver.
Nadiskubre ang bangkay sang biktima matapos gintudlo sang suspek kasunod sang iya pagsungka sa otoridad matapos nakonsensya ini sa ginhimo nga krimen.
Ulihi nga nakit-an nga buhi ang biktima sang Agusto 3 kag nakit-an naman ang bangkay niya sang Agusto 10.
Suno sa suspek, sang nanukot ang biktima sang iya hulugan nga P150 sang kabilugan niya nga P3,000 nga utang, ginbuyayaw siya sini.
Pahayag niya, naimpito siya gani ginsumbag kag ginbuno niya ang babaye kag gindala ang bangkay sini sa masiot nga parte sang lugar.
Preso na subong ang suspek kag pasakaan sang nagakaigo nga kaso.
