Nangin isa ka trahedya ang masadya kuntani nga birthday party sa Barangay Paraiso, Calatagan, Batangas sang Sabado sang gab-i, Agusto 15, 2026.
Ini matapos ginpangtiro sang isa ka lalaki ang mga bisita kun sa diin isa gid ang patay kag isa ang pilason.
Ang napatay amo si Jayson Pantojo nga naigo sang bala sa ulo.
Ginabulong naman sa ospital ang pilason nga si Leonardo Herjas nga may igo sang bala sa abaga.
Ang suspek naman amo si Christopher Riva nga nalagyo matapos ang krimen.
Base sa imbestigasyon, samtang nagainom-inom, hinali lang nga nagtindog ang hubog nga si Riva kag ginpangtiro ang mga biktima.
Nagapadayon subong ang imbestigasyon sa insidente.
