Patay ang duwa ka tawo kag pilason naman ang 10 ka iban pa matapos nahulog sa pil-as ang isa ka pick-up type multicab sa Sitio Mudon, Barangay Upper Sepaka, Surallah, South Cotabato sang nagligad nga Sabado, Agusto 15, 2026.
Ang mga napatay amo ang driver sang multicab nga si Joey Areglado, kag ang pasahero nga si Marilyn Antonio.
Ginpahayag nga halin sa isa ka outreach mission ang mga biktima.
Sang yara na sa lugar, naguba ang makina sang salakyan tubtob nga nahulog na sa pil-as nga nagataas sang 20 metros.
Padayon subong nga ginabulong sa ospital ang mga biktima nga nag-angkon sang malala nga mga pilas sa lawas.
