Isa ka Customs police chief sa Zamboanga ang amay sang suspek sa nagluntad nga school shooting sa Ateneo de Zamboanga University Junior High School subong nga adlaw, Agosto 18.
Ini suno sa kumpirmasyon ni Customs Commissioner Ariel Nepomuceno.
Pahayag pa ni Nepomuceno, gin-relieve na sa pwesto ang amay sang suspek.
Nahibaluan nga ang suspek ang isa ka lalaki nga 4th year high school student kag may apelido nga Jalani.
Nahibaluan man nga gin-live pa sang suspek sa iya nga social media account ang pagpangluthang.
Base sa imbestigasyon sang mga otoridad, isa ka Glock 9 mm handgun kag M16 rifle ang mga armas nga gingamit sa krimen.
Sa subong, 2 ang kumpirmado nga patay nga nagalakip sang isa ka estudyante kag ang suspek nga nagluthang sang kaugalingon matapos ang krimen.
Apang, padayon pa ang imbestigasyon sang mga otoridad sa nasambit nga insidente.
