Ginsuspinde ni Mayor Raisa Treñas ang face-to-face classes sa Preschool tubtub Senior High School sa syudad sang Iloilo para bwas, Agusto 19.
Epektibo ang order para sa pampubliko kag pribado nga mga eskwelahan sa syudad.
Suno sa alkalde, maga-shift anay sa Alternative Delivery Modes (ADM) bwas bangud sang dugang nga pag-ulan nga ginapaabot bangud sang Habagat nga ginpabaskog pa sang Tropical Depression Neneng.
“With barangays still experiencing flooding and more rains expected due to the Habagat enhanced by Tropical Depression “Neneng”, we are shifting face-to-face classes from Preschool to Senior High School, in both public and private schools, to Alternative Delivery Modes (ADM) tomorrow, August 19, 2026,” suno sa post sang alkalde.
“Please stay safe and continue to monitor official advisories. We will get through this. Halong guid,” dugang sini.
Nahibaluan nga base sa data sang mga barangay official kag CDRRMO-BDRRMS Division, nagdangat sa 69 ka barangay sa syudad ang apektado sang pagbaha as of 8:00 p.m.
Sa sini nga apektado nga mga barangay, 546 ka pamilya ukon 1,789 ka indibidwal ang nag-evacuate, kag as of press time, 197 ka pamilya ukon 648 ka indibidwal ang padayon nga nagapabilin sa evacuation centers.
