Gin-claim ni former Presidential spokesperson Harry Roque nga wala sang mga shooting incident sa sulod sang mga eskwelahan sang tion nga si Vice President Sara Duterte ang tiglikom sang Department of Education (DepEd).
Suno kay Roque, gin-gamit ni Duterte ang intelligence funds sang opisina para sa safety sang mga buluthuan.
“Nung si VP [Sara Duterte] nasa DepEd, walang barilan sa eskwelahan. Bakit: ginamit kasi ang intel fund para pangalagaan ang seguridad ng mga eskwelahan,” suno sa post ni Roque.
Nahibaluan nga nagpungko si Duterte bilang DepEd Secretary sang June 30, 2022 tubtub nga nangin epektibo ang resignation sini sa July 19, 2024 kasunod sang ila nga paglas-ayanay ni President Ferdinand Marcos Jr. nga iya anay running-mate sa 2022 elections.
Padayon subong ang impeachment trial sa bise presidente kun sa diin isa sa nangin akusasyon amo ang misuse sang confidential funds sini sa DepEd kag sa Office of the Vice President (OVP).
Ang statement naman ni Roque ang kasunod sang shooting incident kahapon, Agusto 18, sa sulod sang Ateneo de Zamboanga University kun sa diin duha ang patay lakip na ang estudyante nga shooter.
Sang Hunyo, may pagpaniro man sa sulod sang San Jose National High School sa Tacloban kun sa diin tatlo ang patay kag duha ka Grade 9 students ang suspek.
