Naggwa sa imbestigasyon sang otoridad nga nakuha sang estudyante nga gunman sa pagpangluthang sa Ateneo de Zamboanga University (AdZU) ang duwa ka armas halin sa salakyan sang iya nga amay nga opisyal sang Bureau of Customs (BOC).
Suno kay Customs Commissioner Ariel Nepomuceno, masami nga ginagamit sang amay sang suspek amo nga salakyan sa pagdul-ong sa iya bata sa eskwelahan.
District commander sang BOC Enforcement and Security Services sa Port of Zamboanga ang amay sang suspek.
Sang natabo naman ang insidente, driver sang opisyal ang nagdul-ong sa gunman nga estudyante.
Ginpahayag ni Nepomuceno nga duwa ka pusil ang yara sa salakyan kun sa diin isa ang service firearm nga iya sang ahensya samtang ang isa naman ang personal nga ginapanag-iyahan sang amay.
Ini nga mga armas amo ang Glock 22, .40-caliber pistol samtang lisensyado naman ang isa pa ka personal nga armas sang amay sang suspek.
Sa subong ginahibalo pa kun paano nakatuon sa paggamit sang pusil ang gunman.
Matandaan nga matapos ang insidente, gilayon nga gindagdagan sang relief kag preventive suspension ang amay sang suspek samtang nagapadayon ang imbestigasyon.
