Nagsabtanay sa Facebook post sang Bombo Radyo Iloilo sanday San Isidro, Jaro, Iloilo City Punong Barangay Ronela Juaneza kag si former Punong Barangay Felix Dureza.
Kaangot ini sa ginbulgar ni Juaneza nga sang bag-o pa lang siya nagpungko bilang kapitan, may mga kontraktor nga nagpalapit sa iya kag nagtanyag sang “C2C” ukon convert-to-cash sa mga proyekto sang barangay.
Suno kay Juaneza, wala niya ginbaton ang offer.
Ginpahayag sini nga nag-alegar ang mga kontraktor nga amo ini ang nakaandan nga “practice” sa ila nga barangay.
Sa comment section, nagsabat ang former punong barangay nga si Dureza.
“I am ex punong brgy Felix Doreza of Brgy San Isidro Jaro, Iloilo City 13 years in service as punong Brgy, last term ko wala ako kontra, as of now ika 4 termer ko nga brgy kgd nag pang alagad bilang brgy official more or less 37 years diri sa San Isidro ang legacy ko indi ma labawan,” suno kay Dureza.
Dugang sini: “Wala ako naka agi kaso until nag end ang term ko 2023. Ang nag bulos sa akon damo na issue sa past nga admin, sa akon term. Ang nag bulos sa akon wala pa mag 1 year first suspension 2 month, na another suspended pa gid sya for 6 months total suspension 8 months. May masunod pa gid ni sya nga kaso. Kamo na lang angag judge.”
Ginpalabtikan man sini si Juaneza sa punta sang iya comment: “Kon matarong ka nga Kapitan naga resign imo treasurer 2 gid ka treasurer mo nag resign wala ka pa tapos first term mo. Professional liar and professional Marites most of all super corrupt.”
Gilayon man nga nagsabat si Juaneza kun sa diin gin-tag sini si Dureza: “Felix Doreza Cap Doreza, tapusa tanan basa. Kon maayo kmo ngaa may Notice of Suspension, Notice of Disallowance kg Notice of Settlement kmo sa Commision on Audit? Kbalo ka man ky copy furnished kmo tanan kg ang latest copy was from the Office of the Ombudsman informing us that last April 2026, Ombudsman Iloilo sent all finding to Ombudsman Cebu for a Resolution. Kon wala kmo may tnatago ngaa asta subong wala nyo gn turn over sa akin ang documents sg Brgy San Isidro Jaro haw. Despite Demand Letters wala nyo gne gn hatag until now.”
Sa separado nga comment ni Juaneza kaina, gin-alegar sini nga ang matuod nga may ihibalo sa C2C scheme amo ang Treasurer, ang Appropriations Chairman, kag ang Punong Barangay.
“Sa tuod lang, when it comes sa C2C nga ina, ang nakahibalo na iya amo ang mga masunod — si Treasurer, si Appro chairman, kag si Brgy Capitan. But diri sa Brgy San Isidro, Jaro, ang Treasurer kag si Appro amo ang gakonsabo, si Cap na iya lipong! Wala siya iya animo, knowing him much,” suno kay Juaneza.
“Ang tuod lang kag bukara nyo to sa Brgy. San Isidro Jaro ang blue book para makita ninyo remarks sang COA. Indi ko iya magpati nga wala sang C2C sa barangay,” dugang sini sa iya comment sa livestream sang Bombo Radyo.
