Gin-athag ni Interior and Local Government Secretary Jonvic Remulla nga wala sang kakulangan sa seguridad ang Ateneo de Zamboanga University may kaangtanan sa pagpangluthang sa sulod sang campus sang Agosto 18.
Base sa imbestigasyon, nakasulod ang Grade 8 nga suspetsado paagi sa emergency exit nga wala naka-lock bilang kabahin sang standard security protocol sang eskwelahan.
Ini ang rason nga nalutsan sini ang security sa main gate.
Suno kay Remulla, indi magkilalahay ang suspetsado kag ang biktima.
Wala man sang nakita nga ebidensya sang bullying ukon sikreto nga pagplano sa pag-atake.
Ginpahayag sang pulis nga gingamit sang suspetsado ang government-issued firearm sang iya amay.
Ginalantaw man sang mga awtoridad ang digital activity sang suspetsado, lakip na ang iya pagkahilig sa mga video game.
Liwat nga nagpanawagan si Remulla nga dumilian na ang games nga Roblox kag magpatuman sang estrikto nga mga layi para sa insakto nga pagdumala sang mga armas.
Sa subong padayon pa nga ginaiimbestigahan ang motibo sa pag-atake.
Ginapaabot nga ipagwa ang final nga police report sa Lunes, Agosto 24.
