Nagpanawagan ang Land Transportation Office Region 6 sa mga motorista nga indi mangakig sa padayon nga enforcement operations sang ahensya.
Ini bangud kabahin ini sang kampanya para sa kaluwasan sang tanan nga nagagamit sang kalsada.
Suno kay LTO 6 Regional Director Atty. Gaudioso Geduspan II, naka-rekord ang ahensya sang masobra 55,000 ka apprehensions halin sang nagligad nga tuig bangud sa nagkalain-lain nga paglapas sa traffic rules.
Lakip sa kinaandan nga violations ang failure to wear prescribed seatbelt device, pag-operate sang unregistered ukon invalid nga salakyan, failure to wear helmet, driving without license kag reckless driving.
Ginpahayag man ni Geduspan nga indi dapat pag-personalon sang mga motorista ang enforcement operations sang LTO bangud ang nagapanguna nga prayoridad sang ahensya amo ang road safety.
Suno sa iya, indi lamang responsibilidad sang LTO ang pagpatuman sang traffic laws kundi responsibilidad ini sang tanan, gani importante ang kooperasyon sang mga motorista kag iban pa nga stakeholders.
Ginkabig man niya nga kinahanglan ang istrikto nga enforcement agud mapabaskog ang disiplina para mangin responsable ang mga driver.
