Nagapanawagan si Senate President Sherwin Gatchalian nga dugangan ang mental health professionals sa mga eskwelahan kag komunidad kasunod sang mga insidente sang pagpangluthang sa sulod sang mga buluthuan.
Suno kay Gatchalian, makabulig ini nga plano sa Department of Health nga paanaron ang mga healthcare worker agud maghatag sang mga mental health interventions.
Pahayag pa sini nga kinahanglan man nga dugangan ang mga graduates nga pwede mangin mental health professionals.
Ginpunto man sini nga dapat mangin accessible sa tanan ang mental health services sa mga eskwelahan kag komunidad bilang pagsunod sa Republic Act No. 12080 ukon Basic Education Mental Health and Well-Being Promotion Act.
Samtang, ginpahayag man sang DepEd nga kinahanglan sini nga maka-hire sang 48, 000 school counselor associates nationwide, apang 10, 000 ka posisyon lamang ang nalakip sa 2026 budget.
Tuyo sang DepEd nga makaangkon sang isa ka school counselor associate sa kada eskwelahan agud mapabaskog ang mental health kag psychosocial support sang mga estudyante.
