Ginpakilala ni Angeline Quinto ang anum ka scholars sang iya scholarship program nga “Sais Ang Pangarap” kadungan sang concert sini sa Smart Araneta Coliseum sang Agusto 22.
Ginpatigayon ni Angeline ini nga concert upod ang iya alma mater nga Immaculada Concepcion College agud mabuligan ang mga estudyante nga gusto makagraduate apang nagakinahanglan sang financial support.
Lakip sa mga scholars ang isa ka security guard, nagabaligya sang ice candy, iloy sang duha ka kabataan, breadwinner, kapid, kag isa ka working student nga nagaatipan sa iya masakiton nga iloy.
Suno kay Angeline, handom niya nga makita ang anom ka scholars nga makagradwar sa sulod sang apat ka tuig kag matuman ang ila mga handom.
Nangin makahulugan man ang ini nga concert kay Angeline bangud siya mismo ang nag-graduate sa edad nga 36-anyos sang Business Administration nga iya man ginahalad sa iya napatay nga adoptive mother nga si Sylvia “Mama Bob” Quinto.
