Apisar madasig ang pag-uswag ni Filipina tennis sensation Alex Eala sa world tennis, nagapati ang iya coach nga si Joan Bosch nga madamo pa sang aspeto sa iya hampang ang mahimo ma-improve.
Suno kay Bosch, mahimo pa mapaayo ni Eala ang iya serve, return, forehand, backhand, volley, footwork, endurance kag speed.
Suno pa sa iya, importante ang padayon nga pagtuon kag pag-develop ni Eala.
Gindayaw man ni Bosch ang abilidad ni Eala nga madasig nga ma-apply sa aktuwal nga hampang ang iya mga natun-an sa training.
Samtang, nagapabilin nga importante suno kay Bosch ang pagsalig kag maayo nga relasyon sa tunga sang coach kag player samtang nagapadayon ang pag-develop sang career ni Eala.
