May posibilidad nga ang Korte Suprema ang magadesisyson kun pila ka boto ang kinahanglanon agud nga ma-convict si President Sara Duterte sa impeachment trial.
Suno kay House prosecutor kag Bicol Saro Rep. Terry Ridon, pwede nga dal-on sa Supreme Court sang prosecution ukon sang defense ang ini nga butang nahanungod sa numero sa boto, apisar ano pa ang mangin desisyon sang impeachment court.
Pahayag ni Ridon, ang pamangkot tuhoy sa conviction threshold ang nagapabilin nga unsettled sa pihak sang nauna nga statements halin sa impeachment court officials nga ang 16-vote threshold sa pag convict amo ang gamiton sa impeachment trial ni Vice President Sara Duterte.
Base sa Constitution, ginasiling nga wala sang tawo nga I-convict sa impeachment trial nga wala sang concurrence sang two-thirds sang tanan nga Members sang senado.
Samtang, sa pagpadayon sang impeachment trial, plano sang prosecution nga ipaatubang ang Philippine Statistics Authority ukon PSA agud nga magtestigo nahanungod sa naguluwa nga pangalan sa acknowledgment receipts nga gingamit sa liquidation sang confidential funds ni Duterte.
Suno sa prosecution, wala sang may nakita nga birth, marriage ukon death records ang PSA para sa pila ka pangalan kaangay nanday Mary Grace Piattos, Milky Secuya at Kokoy Villamin.
Tinutuyo sini nga makabulig agud nga mahibaluan kun matuod bala ang ini nga mga indibidwal nga nakapanagalan sa dokumento, kun nabaton bala nila ang kwarta kag kun sa diin ang mga ini nagkadto.
Ang ini nga mga ebidensya ang igadugang sa testimoniya sang mga tinawo sang Office of the Vice President, Commission on Audit kag National Bureau of Investigation.
