Patay ang isa ka opisyal sang Philippine National Police (PNP) kag duwa ka iban pa sa nagluntad nga shootout sa entrapment operation sa illegal gun running sa Pagadian City, Zamboanga del Sur.
Ang napatay nga pulis amo si Major Aiman Khuzaimah Pantaran, 35-anyos, residente sang Brgy. Tiguma, Pagadian City.
Si Pantaran ang hepe sang intelligence unit sang Pagadian City PNP.
Ang duwa pa gid nga napatay amo ang mga suspek nga mag-utod nga sanday Janie Bravo Gomez kag Jerry Bravo Gomez nga kilala nga nagabaligya sang illegal nga mga armas kag druga.
Sa ginpatigayon nga entrapment operation sa Purok Malipayon, Brgy. Dao, Pagadian City, nakamutik ang mga suspek nga pulis ang ila ka-transakyon gani gintiro nila ang otoridad kag natabo ang shoot-out.
Diri na naigo si Pantaran nga gindeklarar nga dead-on-arrival bangud sa naangkon nga igo sa dughan.
Nag-angkon man sang mga patal nga igo sang bala ang mag-utod nga suspek nga gintunaan sang ila kamatayon.
 kag duwa ka iban pa sa nagluntad nga shootout sa entrapment operation.){kind=link}