Nagsungka na kahapon nga adlaw ang tatlo ka mga indibidwal nga nakuhaan sang video sa Brgy. Dulonan, Arevalo, Iloilo City, nga nagsipa sang traffic cone sa isa ka running event kag nakit-an pa nga wala sang mga helmet.
Sa interview sang Bombo Radyo kay Jeck Conlu, Officer-in-charge sang Land Transportation Office 6, iya ginpahayag nga ginsurrender man sang driver ang iya motor kag lisensya kag ginpaidalom sa 90-day preventive suspension.
Suno sa iya, gin-athag sang mga pamatan-on nga nasagi lang nila ang traffic cone nga nakit-an sa video, apang nagapati naman si Conlu nga hungod ini nga ginsipa sang mga ini.
Pahayag man niya nga kabahin sa initial violations sang mga ini ang wala pagsuksok sang helmet kag excess passenger kag ginalantaw pa nga mahimo mahulog sa reckless driving bangud sa pagsipa sa traffic cone.
Sa subong, padayun pa ang imbestigasyon sang ahensya tubtob makapagwa sang pinal nga desisyon.
