Tatlo sa mga produkto sang University of San Agustin ang nakasulod sa Top 10 sang August 2026 Medical Technologist Licensure Examination.
Rank 1 si Marti Angela Policarpio nga may rating nga 92.90%.
Rank 6 naman si Iris Karn Magallanes nga may 91.80% nga rating samtang Rank 10 si Lyle Josh Secapuri nga may 91.30% nga rating.
Sandig sa Professional Regulation Commission (PRC), nagapang-siyam man ang nasambit nga unibersidad sa Top Performing Schools sa pungsod sa amo nga pasinawan.
Sa 190 ka examinees halin sa University of San Agustin, 178 ang nakapasar ukon katumbas sang 93.68%.
Ginpatigayon ang Medical Technologists board exam sang Agusto 15-16, 2026 sa nanuhay-tuhay nga testing centers sa pungsod lakip na sa Iloilo.
