Nalakip ang pangalan sang isa ka Xuniso Belat sa nakabaton sang P100,000 halin sa confidential fund sang Office of the Vice President.
Base ini sa ginpakita nga mga acknowledgement receipts nga ginpresentar sa ika-17 nga adlaw sang impeachment trial.
Yari ang iban pa nga pangalan sa acknowledgement receipts kag ang ila nabaton nga kwarta halin sa confidential funds:
-Antonio Pagong (P100,000-purchase of information)
-Timon Andrew Pusa (P100,000- rental of transport vehicle)
-Don Piang (P250,000-rental of transport vehicle)
-May Pamana (P150,000-purchase of information)
-Shane Ngitngit (P150,000-purchase or rental of supplies)
Sa pagpamangkot ni Atty. Amando Ligutan kay Former OVP special disbursing officer Gina Acosta kun nakita niya nga ginhatag ni Col. Raymund Dante Lachica nga former chief sang security team ni Vice President Sara Duterte sa nasambit nga mga indibidwal ang kwarta, ginsiling ni Acosta nga wala niya makita ang akto sang paghatag.
Suno sa iya, ginhatag lang sa iya ni Lachica ang mga acknowledgement receipts.
