Gin-gamit sang Office of the Vice President (OVP) ang confidential funds para hatagan sang kwarta ang mga informant sini nga ipangbakal sang bulong, pagkaon, lamesa, kag silya.
Base ini kay OVP Assistant Chief of Staff Lemuel Ortonio nga nagpungko bilang hostile witness sa trial kahapon, Agusto 25.
Suno kay Ortonio, nakuha niya ini nga impormasyon halin kay anay OVP Special Disbursing Officer Gina Acosta kag OVP Security Officer Colonel Raymund Lachica.
Pahayag niya, base sa pag-paathag sa iya, direkta nga ginhatag ang kwarta sa mga informant kag agent kag sila mismo ang nagbakal sang medical kag food supplies.
“The explanation that was provided to me, Ma’am, was that the money was given directly to the informants and agents and the informants and agents were the ones who bought the medical and food supplies,” sabat sang witness sa direct examination sang private prosecutor nga si Atty. Mae Divinagracia.
Indi makasiguro si Ortonio kon nakabaton sanday Acosta kag Lachica sang official receipts ukon iban pa nga dokumento bilang pamatuod nga nabaton gid sang mga informant ang confidential funds.
Ginpahayag niya nga wala sang official receipts nga ginhatag apang may mga acknowledgment receipts.
“If they received an official receipt, that I cannot provide an answer for. They were not given official receipts, ma’am, but there were acknowledgement receipts, Ma’am, that were provided,” dugang sini.
Sa pagpamangkot ni Senate impeachment court presiding officer Francis Escudero, ginkumpirma man ni Ortonio nga ang confidential funds gin-gamit para ipangbakal sang mga lamesa kag silya. Ginsulit sini nga ginbase lamang ini sa ginhatag sa iya nga impormasyon ni Lachica.
“Regarding for the chairs, Sir, based on the information also provided by the security officer, no receipt as well, Sir, because the representation was iyon ‘yung ipambibili nila ng tables and chairs. That’s based on the information provided by the security officer,” dugang ni Ortonio.#
