Liwat nga nagsabtanay ang mga abogado sang depensa kag prosekusyon sa ika-19 nga adlaw sang impeachment trial matapos gin-athag ni Atty. Kristine Ferrer ang una niya nga pahayag tuhoy sa “misleading questions.”
Suno kay Ferrer, sang ginhambal niya anga “they are allowed” sang Agosto 12, ang ginatumod niya amo ang leading questions kag indi mga misleading nga pamangkot.
Gin-insister niya nga makita sa journal sang Agosto 12 nga isa ka leading question ang iya ginpamangkot bag-o nag-object si Atty. Lorna Kapunan.
Ginpahayag man ni Ferrer nga sa iya pagtan-aw,wala nangin insakto ang nasambit nga objection sang amo nga panahon apang gusto na niya nga tapuson ang amo nga isyu.
Samtang,gilayon man nga nagsabat si Kapunan kag gin-insister nga misleading ang pagpaathag ni Ferrer.
Suno kay Kapunan, maathag sa konteksto sang nangin pahayag ni Ferrer sang Agosto 12 nga ginaistoryahan amo ang misleading questions kag indi leading questions.
Ginpahayag ni Kapunan nga kun nabatian ini sang bilog nga courtroom kag mga nagalantaw sa trial, dapat magpabilin sa rekord ang aktuwal nga ginhambal.
Nagpanawagan si Kapunan nga indi na liwat pagpasalahon ang impeachment court tuhoy sa amo nga butang.
