Ginplastar ni Presiding Officer Chiz Escudero ang graduated penalty system para sa sin-o man nga magalapas sa Rule 18 sang impeachment court nga nagadumili sa tanan nga involved sa proceedings nga maghatag sang pampubliko nga komento tuhoy sa merito sang impeachment case.
Kasunod ini sang counter-manifestation ni Private Prosecutor Amando Ligutan tuhoy sa kontrobersyal sini nga post nahanungod sa misleading questions.
Sa ruling ni Escudero, nasaad nga sa una nga paglapas, dagdagan sang reprimand kag hugot nga admonition sa open court ang naglapas kag permanente nga igarekord bilang last warning.
Sa ikaduwa naman nga paglapas, P30,000 nga multa ang idagdag kag pareho man nga multa sa masunod pa gid nga violation.
Dugang niya, mahimo man magpatuman ang impeachment court sang prospective restriction batok sa naglapas nga abogado ukon partido, kalakip diri ang paglimita sa ila kapasidad nga maghambal, mag-object ukon magpamangkot sa mga testigo sa floor.
Kun abogado ang involved, ginsiling ni Escudero nga ipadala ang certified incident record sa Office of the Bar Confidant, Integrated Bar of the Philippines kag Supreme Court para sa posible nga disciplinary action batok sa lisensiya sang abogado.
