Luyag iduso ni Senator JV Ejercito ang apat ka tuig nga termino para sa mga Barangay officials.
Sa interview sang Bombo Radyo kay Ejercito, iya ginpahayag nga kulang ang tatlo ka tuig nga serbisyo sang mga opisyal ilabi na nga ginatun-an palang sang gin-eleher sa una nga tuig ang iya nga mga obligasyon, samtang nagapreparar naman sa pagpangampanya sa ikatlo sini nga tuig.
Apang ginklaro man sini nga pabor sya sa pagpadayun sang Barangay kag Sangguniang Kabaatan Elections ukon BSKE 2026.
May kaangtanan ini sa ginaduso nga postponement sang eleksyon bangud sa ginapahayag krisis nga ginapangatubang subong sang pungsod.
Suno sa iya, mas maayo nga ipadayun na lang ang nasambit nga eleksyon ilabi na nga madugay na dapat ini nga natigayon.
Dugang pa sang senador, importante sa gihapon nga mabalanse ang pros and cons sa mangin desisyon sang mga mamalidha.
