Magaatubang ang Gilas Pilipinas sa Jordan subong nga adlaw, Agusto 28, bilang pagsugod sang ila kampanya sa ikaduha nga round sang FIBA World Cup Asian Qualifiers.
Patigayunon ini alas-8:30 subong nga gab-i sa Mall of Asia Arena.
May rekord nga 2-4 ang Pilipinas gani importante gid ang ila hampang kontra Jordan para mapabakod ang ila tyansa nga makasulod sa 2027 FIBA World Cup para sa ikaapat nga sunod-sunod nga edisyon.
Ang final 12 players sang Gilas amo sanday:
Kai Sotto
June Mar Fajardo
Cris Newsome
Dwight Ramos
Carl Tamayo
Kevin Quiambao
Juan Gomez de Liano
CJ Perez
Scottie Thompson
Justine Baltazar
AJ Edu
Troy Rosario
Wala ang four-time PBA Best Import nga si Justin Brownlee bangud naga-recover ini sa injury. Ini naman ang una nga appearance ni Sotto sa national team halin sang Nobyembre 2024.
Pagkatapos sang Jordan, makasambuwa sang Gilas ang Iran sa Domingo, Agusto 30, alas otso sa gab-i.#
