Ginalauman ang pagtaas sang pamasahe sa eroplano sa first half sang bulan sang Setyembre.
Ini bangud sa pagtaas sang passenger fuel surcharge.
Suno sa Civil Aeronautics Board, ginpataas sa Level 13 ang fuel surcharge.
Mas mataas ini kun ikumpara sa level 12 nga ginapatuman humalin Agusto 16 tubtob 31.
Sa bag-o nga rate, may ara sang dugang nga saka sang plete sa mga domestic flight halin 423 pesos tubtob 1,237 pesos depende sa kalayuon sang byahe.
Bilang temporaryo nga tikang sang mga airlines, kada 15 ka adlaw gina-adjust na ang fuel surcharge level.
