Daog ang Gilas Pilipinas batok sa kasumpong sini nga Jordan sa Round 2 opener sang 2027 FIBA Basketball World Cup Asian Qualifiers sa score nga 82-81 .
Ginlagas sang Gilas ang 18-point-deficit sa hampang apisar wala ang import nga si Justin Brownlee nga naga-recover pa lamang sa injury.
Na-injure naman si Carl Tamayo sa iya nga ankle sa tunga sang hampang.
Samtang, nagpakita naman sang iya nga clutch three-pointer si Kevin Quiambao rason nga nag-abanse ang ila score antes ang overtime.
Sa ulihi nga Segundo sang hampang, gin-block ni Kai Sotto ang tira ni Abdullah Olajuwon agud gilayon nga ma-secure sini ang ila nga kadalag-an sa isa gid lamang ka puntos.
Ini ang una nga tion nga nakabalik sa Gilas Pilipinas ang 7-foot-3 nga si Kai halin sang Nobyembre 2024 bangud sa injury.
Importante ang ini nga kadalag-an bangud kinahanglan makakuha ang Pilipinas sang maayo nga pwesto agud makasulod sa 2027 FIBA World Cup.
Sunod naman nga maatubang sang Gilas ang Iran sa Agosto 30, nga pagahiwaton liwat sa Mall of Asia Arena.
