Ginpakigbahin ni TJ Monterde nga ginhatagan niya ang iya asawa nga si KZ Tandingan sang lote nga ila patindugan sang ila dream home.
Suno kay TJ madamo siya sang mga kabudlayan nga naagyan tatlo ka tuig ang nagligad.
Ginkwestyon sini ang padulungan sang iya nga singing career kun sa diin may mga tion nga kaangay wala ini sang kasiguraduhan suno sa iya.
Apang wala gid nagpabaya ang Diyos sa pagbugay sa iya sang mga butang nga iya ginpapangayo.
Suno pa kay TJ nga ini nga lote para sa iya pinalangga nga asawa ang isa ka bugay nga gusto sini iparealisar sa iban nga nagahatag gid ang Ginoo.
Malipayon naman sini nga ginpakigbahin nga ang amo nga lote ang panugod sang ila madamo pa nga handom bilang magtiayon.
Sa matandaan nga na-engaged sanday TJ kag KZ sang 2019, nagpakasal sang 2020, kag sila ang nag-compose sang ila sikat nga kanta nga “Palagi.”
