Naluwas sang mga tanod kag mga pumuluyo sang Barangay Calaparan, Arevalo ang isa ka babayi nga nagtuyo nga lumsan ang iya kaugalingon.
Sa interview sang Bombo Radyo kay Jerry Beduyas, barangay kagawad sa lugar, iya ginpahayag nga nakainom ang babayi sang makahulubog nga ilimnon kag nagabalik-balik ini sa madalom nga parte sang baybay.
Suno pa sa iya nga gintagaan nalang sang mga barangay tanod sang masuksok nga bayo ang amo nga babayi bangud basa na ini.
Ginpahayag man sang nasambit nga babayi nga indi ini taga Iloilo kag residente sang Dumarao Capiz kag kabulig ini sa isa ka balay sa syudad.
Suno pa kay Beduyas sa ila man pagpakig-angot sa amo nga babayi, iya ginpahayag nga may ara ini sang family problem.
Dugang pa ni Beduyas nga nagasinggitan man ini agud makakuha sang atensyon sang mga tawo sa palibot.
Suno pa sa ila nga may gusto ini nga istoryahon nga lalaki nga naga-istar sa Calaparan rason nga nagkadto ini didto.
Sa subong ara na sa pag hinakop sang DSWD amo nga babayi.
