Patay gid ang duha ka indibidwal sa Tipo High-Tech Park sa Subic, kahapon nga adlaw Agosto 29, matapos ang nagluntad nga landslide sa lugar.
Suno sa mga impormasyon, isa ka Pilipino kag isa ka Chinese national ang biktima sang insidente kun sa diin may ara man sang duha ka pilason.
Base sa ginpaguwa nga statement sang Subic Bay Metropolitan Authority, gilayon sila nga nagpatigayon sang verification kag emergency response may kaangtanan sa insidente.
Nahibaluan nga nakuhaan pa sang video ang hitabo kun sa diin nakit-an nga amat-amat nga pagtiphag sang duta.
Ang nasambit nga landslide ang kasunod sang mamunog nga ulan nga dala sang habagat ukon southwest monsoon nga nagtuga sang sunod-sunod nga halit sa pila ka bahin sang Pilipinas.
