Nagpatigayon sang mass burial ang Nepal sa ginatos ka wala nakilala nga mga biktima sang flash floods sa Himalayan region.
Ginhimo nga burial site ang Devghat forest sa Chitwan district nga malapit 200 kilometros ang kalayuon halin sa Rasuwa kun sa diin natabo ang makamamatay nga trahedya sang nagligad nga semana.
Suno kay Ganesh Aryal, chief district officer sang Bharatpur, Chitwan, kinahanglan nila nga ipanglubong ang mga biktima bangud sa peligro nga dala sa ikaayong lawas sang publiko.
“We were left with no other option and had to take this step. Our concern was the risk to public health posed by the rapid decomposition of the bodies,” pahayag sini.
Nahibaluan nga naglab-ot sa 950 ang numero sang patay sa Nepal kag China kasunod sang flash floods samtang 4,400 naman ang missing. Lakip sa kumpirmado nga missing amo ang isa ka Filipino doctor nga si Juan Carlos Manalo.#
