Patay ang duwa ka mga Filipino seafarer matapos ang isa ka insidente sa ila barko samtang nagalabay sa Strait of Hormuz sadtong Agosto 31.
Suno sa Saudi shipping company nga Bahri, padayon ang ila pagpakig-angot sa barko kag sa mga awtoridad, samtang wala pa naghatag sang dugang nga detalye nahanungod sa insidente.
Antes ang amo nga hitabo, naghatag na sang pahayag ang maritime security agency nga United Kingdom Maritime Trade Operations nga may isa ka tanker nga naigo sang tatlo ka wala makilala nga projectile samtang nagapaguwa sa Strait of Hormuz.
May mga una man nga pag-atake sa iban nga mga barko sang Bahri sa palibot sang rehiyon.
Lakip diri ang isa ka supertanker nga naigo malapit sa baybayon sang Oman, kag duha pa ka barko nga gin-atake sa Red Sea.
