Wala sang kun ano man nga report nagikan kay Vice Pres. Sara Duterte ang nabatun sang Philippine National Police.
Ini ang ginpakigbahin ni PNP Chief PGen. Jose Melencio Nartatez may kaangtanan sa ginpahayag ni Duterte nga nakabatun siya kag ang iya pamilya sang threat ukon pagpamahog halin pa sang tuig 2023.
May kaangtanan man ini sa pahayag sang bise presidente nga wala sya sang salig sa korte, kapulisan, kag sa iya mismo nga security personnel.
Suno kay Nartatez, naghatag sila sang security assistance para kay Duterte sa pagtubang sini sa Quezon City Regional Trial Court kahapon ng adlaw, kun sa diin ini nakapyansa ini sang kabilugan nga P360,000, sa tatlo ka counts sang Grave threats matapos ini nga gin-isyuhan sang arrest warrant sang byernes.
Dugang pa sang PNP Chief, magapabilin nga bukas ang ila opisina may kaangtanan sa akusasyon kag reklamo ni VP Sara agud mas maibestigaran ini sang mayo.
