Mahimo sa gihapon nga ma-convict si Vice President Sara Duterte sa impeachment case bisan pa i-drop ang bribery charge batok sa iya.
Suno kay House prosecution counsel Benjamin Tolosa Jr., kinahanglan lamang mapamatud-an ang bisan isa sa apat ka impeachment articles agud ma-convict kag mapahalin sa pwesto ang bise presidente.
Nahibaluan nga gina-review sa karon sang prosecution ang posibilidad nga i-withdraw ang bribery charge agud mapadasig ang impeachment trial.
Apang wala pa sang pinal nga desisyon nahanungod diri.
Nagapadayon man ang pagpresentar sang ebidensya sa iban pa nga mga alegasyon, lakip ang ginapahayag nga sala nga paggamit sang masobra 612 million pesos nga confidential funds, unexplained wealth, kag grave threats batok kay President Ferdinand Marcos Jr. kag iban pa nga personalidad.
Suno pa kay Tolosa, indi kinahanglan nga mapamatud-an ang tanan nga impeachment charges agud magresulta sa conviction.
