Maayo gid suno kay President Ferdinand Marcos Jr. nga nadesisyunan na sang Supreme Court nga ibasura ang graft conviction sang iya nga iloy nga si anay First Lady Imelda Marcos.
Suno sa Presidente, masobra na sa 40 ka tuig nga nagapabilin ang mga kaso nga ginpasaka batok sa iya nga nanay kag ginakasadya sini nga indi na ini kinahanglan nga dumdomon pa.
Sadtong 2018, ginpasakaan sang Sandiganbayan si Imelda Marcos sang pito ka counts sang graft may kaangtanan sa iya ginasuspetsahan nga financial interests sa pito ka Swiss foundations.
Ginsentensiyahan siya sang 6 tubtob 11 ka tuig nga pagkapreso sa kada kaso, apang wala ini napreso.
Sa desisyon sang Supreme Court nga may petsa Hunyo 10, 2026 kag ginpagwa sang Setyembre 9, ginsiling sang korte nga napaslawan ang prosekusyon nga mapamatud-an ang iya pagka-angot sini beyond reasonable doubt.
Gani, ginbaliskad sang Supreme Court ang iya conviction.
Ginpanginwala man ni Marcos nga may kaangtanan ang ini nga desisyon sa pagpili sang masunod nga Chief Justice, apang ginsiling sini nga wala ini nangin kabahin sang ila nga konsiderasyon.
