Importante nga mangin maayo gid ang paggamit sa Materials Recovery Facility ukon MRF sa mga kabarangayan sa siudad sang Iloilo agud mapunggan ang pagtipon sang mga basura nga nagatuga man sang dako nga epekto sa pagbaha sa siudad.
Ini ang ginpunto ni General Services Office head Engr. Neil Ravena may kaangtanan sa natipon nga 2.6 tons nga basura sa drainage kag waterways sa ginpatigayon nga clean-up drive sa Villa Hermosa, Barangay Sinikway, Lapuz sang Sabado, Setyembre 12.
Kabahin sa mga narekober sa nasambit nga area amo ang guba nga refrigerator, traysikad, sofa, kag iban pa nga mga gamit nga indi dapat makit-an sa
Lakip sa mga nakuha amo ang sofa, guba nga refrigerator, trisikad kag kurongan sang manok nga ginpahayag ni Ravena nga indi na dapat ihaboy sa mga kanal.
Suno kay Ravena, ginkakibot nya gid ang kadamuon kag ang klase sang mga material sa nasambit nga area.
Ginpakigbahin man niya nga indi lang dapat regular nga pagpanglimpyo sa drainage ang solusyon sa problema sang baha, kun indi amo man ang pagsunod sa husto nga solid waste management sa barangay level.
