Importante suno sa isa ka political analyst nga aktibo nga nagatambong ang mga senator-judge sa impeachment trial ni Vice President Sara Duterte.
Ini bangud dako ang ila nga obligasyon sa mangin desisyon kag mangin resulta sang trial.
Sa interview sang Bombo Radyo kay Prof. Ranjit Rye sang University of the Philippines-Diliman Department of Political Science, iya ginpahayag nga kinahanglan personal nga masaksihan kag mapamatian sang mga senator-judge ang mga testigo.
Ini agud ma-evaluate kag maintindihan sang mga ini ang dalagan sang trial ilabi na ang testimonya sang mga testigo.
Dugang pa niya, dapat mangin patas kag may hustisya ang proseso, kag kinahanglan ibase sa mga ebidensya nga napresentar sa trial.
Kinahanglan nga mapresentar sa publiko kun bala may yara pa sang basihan kag nagakadapat pa bala nga magpadayon si Duterte sa iya katungdanan bilang bise president ukon dapat indi na.
