Nag-gwa sa nagapadayon nga impeachment trial may kaangtanan sa unexplained wealth ni VP Sara Duterte nga chairman of the board sang Calle88 Foods Corporation ang bana sini nga si Atty. Manases Carpio.
Suno sa Securities and Exchange Commission lawyer Gerardo Del Rosario, incorporator, director kag shareholder man si Carpio sa nasambit nga kompanya halin sa 2021-2024.
Sa pagpamangkot ni private prosecutor Erwin Matib kun may ara sang interes si Vice President Sara Duterte sa kumpanya, suno kay Del Rosario nga wala.
Apang, na-gwa nga may ara sang interest sa kompanya ang bana sini nga si Carpio.
Nagwa man base sa 2022 General Information Sheet ukon GIS nga halin sa Amount Subscribed nga P200,000 sadtong 2022, nagtaas sa masobra P237, 000 sa tuig 2022 tubtob 2024.
Samtang, nag-paid-up man halin sa P50,000 pakadto sa masobra P59,000.
Kaangot diri, makit-an man sa GIS nga nagtaas sa 47.50% ang ownership ni Carpio sa nasambit nga korporasyon.
