Matapos ang 10 ka tuig nga pagsulat sang kanta nga ”Puede nang Mangarap,” liwat nga nag-viral subong nga bulan sang Setyembre ang kanta nga ginsulat ni Jungee Marcelo.
Suno kay Marcelo, na-composed ang kanta paagi sa mga kabudlayan nga na-eksperiensyahan sang singer sini nga si Lyca Gairanod.
Tuig 2015, matapos ang madinalag-on nga pagkadaog ni Gairanod sa isa ka singing competition natagaan sang oppurtunidad si Marcelo nga magsulat sang kanta para kay Gairanod.
Wala naman ini maglaom nga sa kadugayon na sini nga nahimo ini nga kanta, subong nga tuig 2026, ginsakdag ini liwat sang mga tawo.
Pahayag pa ni Marcelo nga madugay na nila ginapangamuyo sang iya asawa nga matagaan sang kahigayunan nga magsikat liwat ang iya mga daan nga komposisyon.
Ginakonsiderar naman sini nga ang liwat nga pag-viral sang “Puede Nang Mangarap” kaangay sang isa ka answered prayer.
Nagalaom naman ang songwriter nga magaserbe ini nga ambahanon sa mga tawo nga nagaka-eksperiensya sang mga pagpanghangkat nga apisar sa tanan nga problema sa sini nga kabuhi, puwede sa gihapon nga maghandom.
