Nagapangabay ang prosecution team nga magatambong si Davao City Mayor Sebastian “Baste” Duterte sa pagpadayun sang impeachment trial sang iya utod nga si Vice President Sara Duterte may kaangtanan sa unexplained wealth.
Suno kay prosecution spokesperson kag Lanao del Sur Rep. Zia Adiong, posible gid nga magresulta sa contempt sa tion nga indi ini magpakita sa trial ang alcalde sa Setyembre 28-30.
Kasunod ini sang gin-isyu kay Mayor Baste nga subpoena kun sa diin ginmanduan man ini nga dal-un ang mga dokumento may kaangtanan sa GenCorp Industries Inc.
Ini matapos nga gindeklarar sang bise presidente sa iya statement of assets, liabilities, and net worth (SALN) sang 2024 kag 2025 ang GenCorp.
Pahayag ni Adiong, sa tion nga indi magpakita ang alkalde, indi man sini maapektuhan ang ila presentation sang kaso ilabi na nga may ara sila sang ginahawiran nga ebidensya nga amo ang wala nagasanto nga records sa SALN kag corporate records sang bise presidente.
